Labor of Love

29.09.17

 ამერიკელი კურატორის, ერინ მონტანესის 24 საათიანი პერფორმანსი არტ-ვილა გარიყულას „ამერიკულ პავილიონში“ მედეას პერსონაჟითაა შთაგონებული. პერფორმანსის დროს შექმნილი ფოლიანტი , ხელოვანის სიტყვით,  მითო-შემოქმედებაცაა  და,  ამავე დროს - ურთიერთობის  გადარჩენის მცდელობაც.

ერინ მონტანესი  ფესტივალის მონაწილე ახალგაზრდა  კურატორი, ხელოვანი და მკვლევარია ამერიკის შეერთებული შტატებიდან.  ბოლო პერიოდში, მისი ინტერესის სფეროში შემოვიდა პერფორმანსის ხელოვნება, მითოლოგია და ინდური ესთეტიკა.

ძმებ ზდანევიჩების სახლობის თანამედროვე ხელოვნების მე-9 საერთაშორისო ფესტივალის - Fest I Nova’17 - კომუნიკაციის ელემენტები-ს ფარგლებში, მან ერთი თვე გაატარა არტ-ვილა გარიყულას რეზიდენციაში, სადაც  წარმოადგინა პერფორმანსი, სახელწოდებით LABOR OF LOVE.

პერფორმანსი დაიწყო 29 სექტემბრის საღამოს 7 საათზე და  24 საათის მანძილზე გაგრძელდა.

ამ პერიოდში, ერინ მონტანესი განუწყვეტლივ ბეჭდავდა  „მშრალ ხიდზე“  შეძენილ ძველ, შეკეთებულ საბეჭდ მანქანაზე. პერფორმანსი განხორციელდა „ამერიკულ პავილიონში“, რომელიც 2014 წელს, BURNING MAN ფესტივალის  არქიტექტორმა, გრეგ ფლეიშმანმა დააპროექტა და ააგო არტ-ვილა გარიყულას ეზოში. ამერიკული პავილიონის 2015 წლის  პროექტი „ბიბლიოთეკა“ იყო. სწორედ ეს თემა გააგრძელა ერინ მონტანესმა თავისი ნამუშევრით

 24 საათის მანძილზე, ხელოვანი  ამონარიდებს ბეჭდავდა ანტიკური ხანის დრამატურგებისა და პოეტების   ტრაგედიებიდან  და პოემებიდან; ამასთან ერთად,  წერდა საკუთარი შთაბეჭდილებებისა და განცდების შესახებ.

ფოლიანტის  წამყვანი თემა  მედეაზე და, ზოგადად, ქალზე რეფლექსიაა.

 სათაური LABOR OF LOVE რამდენიმე მნიშვნელობას მოიცავს: „საყვარელი საქმე“, „უანგარო  შრომა“, „სიყვარულის ნაყოფი“

„მედეა დაატარებს ტვირთს სქესთა  და  სხვადასხვა ეთნოსებს შორის დიალოგისა და დაპირისპირების;  დააქვს ქო ფოლიანტის ტექსტი  ერინ მონტანესის მითო-შემოქმედებაა;  ამასთან ერთად, ეს არის ძველი, თბილის ბუდის გადარჩენის მცდელობა;    ერთგულების, მზრუნველობისა და სასოწარკვეთის აქტების თანმიმდევრობა.

საბეჭდი მანქანა და ფოლიანტის  ტექსტი  გარემო სივრცესთან შედის დიალოგში. ხელოვანის კომფორტი და სიმშვიდე   ამ კომუნიკაციასა და ბეჭდვის პროცესშია.  სწორედ ამაში ხედავს ის  პირად პასუხისმგებლობას  საკუთარი ცნობიერებისა და სულიერი შესაძლებლობების მიმართ“.რწინების, დედობის, სახელმწიფოსთან კონფლიქტისა  და ინტელექტის ტვირთი;  ამასთან ერთად - ტვირთი  უმწეობისა და დანაშაულის.

 

 

 

უკან დაბრუნება